番新工半個月了，時間轉眼便過，真的很快!

每日晚上12時收工，工作時間絕不會少於12小時。

沒有lunch hour, 沒有dinner hr, 只能叫外賣，半小時內吃完，請立即好好工作。

一個月2日 regular day off, 2日performance day off,

未到target, 請不要妄想可以放假。

Fitness Manager, 26歲，做了4年，跳了6級，現在楂benz 跑!!

同佢對話，知道佢真係有料，好有野心，永遠都要做第一。

最羨慕係佢只係大我兩年....月入多少萬?要以6位數字去計了。

很辛苦，從來未曾想像程度可以達到這境界...

只要捱得下去，不但能證明到自己實力，成績好，每月5,6萬穩定收入總少不了。

沒有您與家人支持，我想我捱不下去....

當我有能力時，一定會令你地生活無憂!

我話既!!!

很快地過了半年，知識日復日增加，得著不少。

無奈能力不及，雖然多次從氣餒中奮鬥過來，最終仍是倒下。

很珍貴最後的這個月，感覺與同事越來越close,

最開心都是兩位上司對自己的評價。

尤其要求嚴格的big boss，今日竟電郵告天下叫同事向我借鏡，頓時覺得一直都辛苦，是會有人見到的。

無奈我目標不在此、興趣不在此、前途亦不想限於此...

感謝公司送我半年禮物，避免失業，金錢以外更體會到很多，有些人的處境，外人是非常無辦法明瞭，接觸多了，會很茫然，除了運氣，我還有甚麼?他們的堅強，自己是非常敬佩，絕境原來會走到這個階段。

距離開只剩2個多星期，稿已全部交完，愛心亦已安排妥當，下手不會有手尾了。

突然，有種捨不得的感覺.......但我知道，我必須要走，我要向我自己的目標前進。

番工咁耐, 好耐都未試過連放3日假~

1/5 - 3/5, 本來打算約朋友番大陸玩,
但冇人出聲, 搵極人個個都唔得閒,
唯有我同愛人一齊上去~

去左東門行街,
我又要食酸辣粉, 愛人又要食kmc雞翼~
食完就去搵下邊間relax,
最後去左皇室假期,
真係抵, d 野都靚,
不過竟然唔俾過夜, 要按5個鐘!?媽到佢飛起,
最後3,4個鐘就可以,
咁岩我累到爆, 都好想按耐d, 咁就冇問題~

第二日起身去左飲茶, 但搵唔到想去果間,
但估唔到真係是旦一間d野都咁好食,
最surprice 係粥, 豬肉整到好似滑牛咁~正!!

食完又再行街啦~
大家都有收獲~
唔覺唔覺行到8點, 再搭車去「樂園路」食海鮮~

兩個人, 揀左隻肉蟹1斤6兩，4隻瀨尿蝦皇1斤3兩,
6隻帶子, 6隻燒生蠔, 1斤九節蝦用蒜半邊蒸,
埋單唔過$300。
嘩~~~哈哈~真係開心死~勁好食~
兩個人喪食, 勁飽~食完番到香港已經成點鐘lu~~

第3日我就係屋企休息, 愛人就開會傾project,
一傾傾左8個鐘, 真係陰公~

呢個假, 真係難忘~
難忘在....真係好耐無試過感到「盡慶」~

工作進入第二個月,
一切順利, 過probation 應該不是問題。

惡夢每晚湧現,
有一次係公園見到有個男人鬼鬼祟祟,
原來係放炸彈!不過佢俾security 撞破,
而我亦係第一身係現場, 仲拍底左整個過程....
我心想, 究竟我應該返公司交底第一手獨家新聞,
還是繼續放假?今日是我的星期日假期啊!
諗諗下, 點知醒左....原來自己發緊夢....
又係7:41, 放假都訓得唔耐, 成日都係7:41 起身...
訓覺都要發d 咁既夢...真係好辛苦....-_-"

不過好在有您賠我,
雖然我放工後成個人都好tight,
成個人都好大脾氣,
對唔住...
但想您知道我還是我,
一直對您都無變.
在我心目中您仍然是獨一無二,
無人可以代替到您既位置,
有陣時諗起您, 真係會會心微笑~
好想有日放假去效外relax 下,
曬下太陽, 吹下風....好好休息....

雖然阿姐讚我學野快上手,
candy 讚我寫稿篇幅有條理, 鋪排分明,
可惜用字未夠精,哈~
工作上已經很少出錯,
出糧準時, 放工準時....
但我心情仍然忐忑,
今日聽到失業率5.2%,
真係唔敢輕舉妄動,
要做好本份, 捱出成績。

26/4 我第一篇的頭條就會刊登,
各位朋友記得買黎睇下啊~~哈~